Атина, 28. октомври 2014 (ИНПРЕС) – Драстичните промени во секојдневието на Грците во изминатите години имаат сериозни последици врз состојбата на менталното здравје на луѓето во земјата.
Психијатриските болници во цела Грција се полни со пациенти со нарушена психичка состојба, а болницата во Атика месечно прима по околу 200 нови пациенти. Од 2010 година силно се зголемил и бројот на луѓето кои присилно се сместени во психијатриски установи. Во моментов околу 55% од пациентите се примени во болница против своја волја, со интервенција на полицијата или на обвинителството.
Лекарите предвидуваат драстично зголемување на здравствени проблеми кај пациентите со финансиски проблеми. (Крај)
извор: БГНЕС фото: архива