Курц: Бегалците да останат поблиску до нивните земји

Виена, 23. август 2015 (ИНПРЕС) – Бегалците треба да добијат заштита и засолниште недалеку од нивната татковина, изјави австрискиот министер за надворешни работи Себастијан Курц во врска со бегалската криза која ги зафати балканските држави.

– Мораме да сториме многу повеќе и да создадеме прифатни центри за бегалците кои бегаат од теророт. Бегалците треба да поднесуваат барања за азил во овие центри во земјите од каде доаѓаат или во соседните држави. Во оваа фаза нема систем за решавање на овој проблем, рече уште Курц.

Тој побара подобра заштита на надворешните граници на ЕУ и построга контрола на западно – балканскиот пат низ кој минуваат бегалците.

Курц нуди пакет од 5 мерки за справување со бегалската криза, вклучувајќи ја и борбата против трговијата со луѓе. (Крај)

извор: АФП фото: архива