Берлин, 20. септември 2014 (ИНПРЕС) – Горниот дом на германскиот парламент усвои закон со кој Македонија, Србија и Босна и Херцеговина се прогласуваат за безбедни земји, а барањата за азил на нивните граѓани ќе се одбиваат како неосновани.
Според официјалните податоци, од 22.000 барања за азил од граѓани на овие три земји, германските власти одобриле само 60.
Пред неколку месеци, германскиот министер за внатрешни работи Томас де Мезиер ја најави намерата на владата да ја прошири листата на безбедни земји. Тој истакна дека Македонија и Србија се земји кандидати за членство во ЕУ, а Босна и Херцеговина прави обиди да го добие истиот статус.
Германските демохристијани инсистираат Албанија и Црна Гора да бидат ставени на оваа листа, но социјалдемократите не се согласуваат. (Крај)
извор: АФП фото: АП