Масовен протест на опозицијата во Тирана

Тирана, 9. декември 2015 (ИНПРЕС) – „Рама оди си, сакаме предвремени избори“, скандираа учесниците на големиот анти-владин протест кој се одржа во центарот на Тирана.

Дел од најрадикалните учесници на протестот, организиран од опозициската Демократската партија, фрлале со камења и димни бомби на зградата на албанската влада а уништен беше и влезот на музејот на комунистичкиот режим, кој се уште е во фаза на изградба.

Лидерот на опозиционата Демократска партија, Љуљзим Баша ја обвини владата на социјалистите за грабеж и уништување на економската иднина на државата.

Голем број албанци се револтирани од мерките на владата на Рама за зголемување на даноците и придонесите за социјално осигурување како и мерките кои се превземаат против граѓаните кои не ги плаќаат сметките за електрична енергија.

Лидерот на демократската партија побара оставка на Рама и формирање преодна влада. (Крај)

извор: Локално фото: архива