Загреб, 26. септември 2015 (ИНПРЕС) – Хрватскиот премиер Зоран Миловановиќ ја повика “Србија да се држи како држава, а не како територија”.
– Србија мора да функционира како држава. Тоа значи да не се прави бизнис со луѓето кои пристигнуваат во Србија, изјави Милановиќ.
За одлуката да се блокира и одблокира границата со Србија кажа дека може повторно да се предомисли.
– Одлуката е унилатерална, можам повторно да ја донесам, и тоа затоа што имаме проблеми. Србија мора да функционира како држава, што значи дека од луѓето кои стигнуваат во Србија не треба да се прави економска активност. Тие во државата влегуваат со сто, а излегуваат со 50 евра, сѐ им наплаќате. Кажав дека можеме да ви понудиме автобуси, дел од нив да ги превезуваме во Хрватска, дел на унгарската граница. Сега вие мене кажете ми кој одбива толку фина понуда, додаде Милановиќ. (Крај)
извор: РТС/Мкд.мк фото: архива