Брисел, 25. јуни 2015 (ИНПРЕС) – Состанокот на министрите за финансии на земјите членки на еврозоната (Еврогрупата) на кој се очекуваше договор за Грција, беше прекинат синоќа, по само еден час и ќе продолжи денес попладне.
– Договор уште нема. Еврогрупата беше информирана за напредокот во преговорите меѓу институциите (Европската комисија, Европската централна банка и Меѓународниот монетарен фонд – з.р.) и грчките власти, вели во соопштението на претседателот на Еврогрупата, холандскиот министер за финансии, Јероен Дијселблом.
Министрите за финансии всушност немале за што да дискутираат, имајќи предвид дека пред себе не го имале документот кој би послужил како основа за дискусија. На тоа цел ден во средата работеа претставниците на доверителите на грчката влада. И грчкиот премиер Алексис Ципрас разговараше повеќе часови со претседателот на Европската комисија, Жан-Клод Јункер, со шефицата на ММФ, Кристин Лагарад и со претседателот на ЕЦБ, Марио Драги. (Крај)
извор: balkaninsinght фото: архива