Струга, 15. јуни 2023 (ИНПРЕС) – Како дел од концептот „МВР за граѓаните“, денеска во ОВР Струга започнува „Отворен Кабинет“ на министерот за внатрешни работи Оливер Спасовски.
Тој неодамна ја најави оваа пракса што ќе биде спроведена во повеќе градови низ државата
– Идејата е Кабинетот во одредени денови да го селиме, наместо во Скопје, еден ден ќе биде во Куманово, Струмица, Охрид, Битола, некој друг град. Ќе имаат можност граѓаните, на телефонски број или на маил адреса да закажат можност за средба и да се видат со мене, со директорот, заменикот директор, началниците, за потреби кои тие ги имаат. Ние можеме сите заедно да сведочиме, медиумите, јас како министер и мојот тим, што значи затвореност на институција, а што значи отвореност на институција, изјави Спасовски.
Пред приемот на странки, министерот Спасовски ќе оствари работен состанок и брифинг со раководството на ОВР Струга. (Крај)
извор: ИнПрес фото: архива
