Охрид, 2. јуни 2026 (ИНПРЕС) – Стартуваат најавените авиолинии од Охрид до два полски градови со компанијата Wizz Air.
Од недела, 7. јуни започнуваат летовите до Вроцлав, додека од вторник, 9. јуни до Катовице, а предвидени се по два летови неделно за секоја дестинација.
Од охридскиот аеродром, со летниот распоред на летање, 8 авиокомпании летаат до 17 дестинации, од кои 14 се редовни дестинации преку целата година и сезонски дестинации, додека три се чартер-летови. Од 21 јуни, Аустриан ерлајнс има најавено дека ќе почне да лета од Охрид до Виена.
Меѓународниот Аеродром Скопје и Аеродромот „Свети Апостол Павле“ во Охрид, ги завршија првите 4 месеци од 2026 година, со силен, рекорден пораст на бројот на патници од 32,4%, опслужувајќи вкупно 1.202.828 патници
Во истиот период, јануари-април, двата македонски аеродрома опслужија вкупно 8.123 летови, што е годишно зголемување од 10,7%. (Крај)
извор: ИнПрес фото: архива
