Охрид ја заврши 2022 година со негативен природен прираст, во четвртиот квартал е – 63

Охрид, 1. март 2023 (ИНПРЕС) – И во четвртиот квартал од 2022 година во Охрид продолжил негативниот природен прираст.

Според податоците на Државниот завод за статистика во месеците октомври, ноември и декември се родиле 90, а починале 153 лица, дносно се бележи прираст од -63.

И Дебрца бележи негативен прираст, се родиле само 5 бебиња, а починале 17 лица.

Соседна Струга, пак, бележи позитивен прираст од 10. Регистрирани се 122 новороденчиња, а починале 112 лица.

Што се однесува до бројот на склучени бракови, во Охрид судбоносното „да“ го кажале 41 двојка, што е речиси тројно помалку во однос на третиот квартал, а имало еден развод. Во Струга во анализираниот период се склучиле дури 56 бракови, а не се евидентирани разводи. Во Дебрца во последните три месеци од минатата година не се евидентирани склучени бракови и разводи. (Крај)

извор: ИнПрес фото: архива