Приштина, 14. септември 2014 (ИНПРЕС) – Поглаварот на Римокатоличката црква, папата Франциск го одбил барањето за средба со премиерот на Косово Хашим Тачи.
Тачи побарал да биде ставен на листата со официјалните лица кои ќе бидат во друштво на папата за време на неговата посета на Албанија следната недела, објави приштинскиот весник „Експрес“. Според истиот извор, „Ватикан го отфрлил ова барање“. Светиот отец ќе пристигне во Тирана на 21-ви септември.
Првиот претседател на независно Косово Ибрахим Ругова беше познат по блиските врски со Ватикан. Тој имаше и бројни средби со претставници на Римокатоличката црква, вклучувајќи го и папата.
Во моментов Тачи е премиер во оставка. Осомничен е за учество во злосторства за време на војната во Косово, кога тој раководеше со Ослободителната војска на Косово. (Крај)
извор: Експрес фото: архива