Поморска вежба на НАТО во бугарскиот дел на Црно Море

Бургас, 9. јули 2016 (ИНПРЕС) – Во бугарските територијални води на Црното Море денеска започна воената вежба „Бриз 2016“, во која учествуваат војници од пет земји членки на НАТО.

Како што јави БТА, во воените маневри, што ќе траат до 17 јули, се вклучени 25 бродови и над 1.700 припадници на воените морнарици на Бугарија, Грција, Романија, САД и Турција, како бродови-миноловци од Втората постојана група на НАТО.

Основна цел на вежбите „Бриз 2016“ е подобрување на оперативноста и соработката меѓу воените морнарици на земјите учеснички во операции при кризни ситуации.

Штабот, кој ќе раководи со ова 20-то издание на „Бриз 2016“, е сместен во бугарскиот град Бургас. (Крај)

извор: Локално фото: архива