Атина, 12. февруари 2016 (ИНПРЕС) – Ако властите во Атина не покажуваат кредибилни реформите, особено во пензискиот систем, Грција уште еднаш ќе се соочи со опасност од напуштање на еврозоната, изјави високиот официјален претставник на Меѓународниот монетарен фонд (ММФ), Пол Томсен.

– Ние треба да видиме кредибилен план со кој Грција ќе постигне многу амбициозен среднорочен целен суфицит, вели Томсен, кој е директор на одделението на ММФ за Европа.

Во првата половина на 2015 година, се зголеми стравот од потенцијален излез од еврозоната на задолжената Грција, кога официјална Атина беше во технички банкрот на основа на заостанати долгови кон ММФ. Од тогаш Европската унија ѝ додели на Грција голема програма за финансиска помош (на која ММФ не се приклучи), во замена за економски и пензиски реформи кои се предмет на жестока дебата во Грција. (Крај)

извор: МИА фото: архива