Загреб, 9. септември 2015 (ИНПРЕС) – На двајца поранешни команданти на логорот Лора и тројца воени полицајци, им се суди за воени злосторства против српските затвореници извршени во логорот во 1992 година, меѓу кои и три убиства.
Во Окружниот суд во Сплит, во среда започна судењето на поранешниот командант на логорот Лора, Томислав Дуиќ, неговиот заменик Тончи Вркиќ и воените полицајци Анте Гудиќ, Анѓелко Ботиќ и Емилио Бунгур, обвинети за воени злосторства.
Злосторствата кои, наводно, биле извршени во логорот во крајбрежниот град Сплит, вклучуваат убиства на тројца затвореници, Бојан Весовиќ, Душан Јелиќ и Влада Савиќ, чии тела подоцна беа ексхумирани во градот Ливно, западна Босна и Херцеговина. (Крај)
извор: balkaninsight фото: архива
