Белград, 19. јануари 2016 (ИНПРЕС) – И покрај огромното владејачко мнозинство, ЕУ кандидатот Србија се одлучи за предвремени парламентарни избори.

Со тоа, премиерот Вучиќ сака да ја прошири и продолжи својата моќ.

За меѓународните новински агенции веста беше изненадувачка: во Србија ќе има вонредни избори. Многу набљудувачи се прашуваат кој премиер, кој има комотно дво-третинско мнозинство и здрав разум, ќе се одлучи на предвремени избори. Но во Србија, математиките се поинакви. На владата и е потребен цел мандат за до 2020 година да ги заврши сите започнати реформи, вели премиерот Александар Вучиќ.

Со 208 пратеници во 250-члениот парламент, владата може да го претвори денот во ноќ, вели политичкиот аналитичар Ѓорѓе Вукадиновиќ. Сепак, Вучиќ има добри причини да смета дека неговата популарност нема да трае вечно. „Наскоро ќе излезат на виделина неисполнетите ветувања“, вели аналитичарот потсетувајќи на ветувањата за намалување на невработеноста, зголемување на платите и пензиите и борба против корупцијата. (Крај)

извор: Дојче Веле фото: архива