„Прелудиум“ како увертира на 35. „Поетска ноќ во Велестово“

Охрид, 9. август 2023 (ИНПРЕС) – Јубилејното 35 издание на „Поетската ноќ во Велестово“ неофицијално ќе започне во сабота, на 12-ти август со интернационалното поетско читање „Прелудиум“.

Поезија ќе читаат: Танос Гогос (Грција), Марко Грегур (Хрватска), Марија Дејановиќ (Хрватска), Марио де Роза (Италија), Ѓоко Здравески, Долорес Атанасова–Лори, Сашо Огненовски, Ким Симонсен (Фарски Острови), Марина Икономова Шокева. Модератор на настанот ќе биде Јулијана Величковска.

Поетското читање ќе се одржи во кафе-барот „Шила“ во Охрид, од 18:00 часот.

Инаку, годинашното издание на „Поетската ноќ во Велестово“ ќе се одржи од 18-ти до 20-ти август. (Крај)

извор: ИнПрес фото: архива