Струга, 7. јули 2023 (ИНПРЕС) – Одделението за внатрешни работи Струга поднесе кривична пријава против 23-годишниот Е.М. од струшкото село Радолишта, поради постоење основано сомнение за сторени кривични дела „неовластено производство и пуштање во промет на наркотични дроги, психотропни супстанци и прекурсори“ и „тешки дела против здравјето на луѓето“.

– На 5-ти април 2023 година пријавениот, за да се стекне со противправна имотна корист, на Д.В. од село Велешта, струшко, му продал кокаин, кој откако го употребил му се слошило и бил пренесен во Општата болница во Струга, информираат од СВР Охрид.

извор: СВР Охрид фото: ИнПрес