Москва, 30. септември 2014 (ИНПРЕС) – На покана на претседателот на Србија Томислав Николиќ, рускиот претседател Владимир Путин на 16-ти ноември ќе престојува во официјална посета на Белград, соопшти денес прес-службата на Кремљ.

Шефот на Руската Федерација ќе учествува на свеченостите кои ќе се организираат по повод 70–годишнината од ослободувањето на српската престолнина од нацистичките окупатори.

– Се очекува за време на разговорите со претседателот Николиќ и премиерот Александар Вучиќ да бидат разгледани клучните прашања на билатералната соработка, пред се во делот на трговско-економската сфера, прецизираат од претседателската прес служба. (Крај)

извор: ИТАР-ТАСС фото: архива