Белград, 16. октомври 2014 (ИНПРЕС) – Рускиот претседател Владимир Путин уште еднаш од Белград го потврди ставот на Русија во однос на прашањето со Косово.

– Русија стои зад принципиелната позиција, а таа се базира не само на нашето пријателство и блискост, туку и на меѓународно право и правда, изјави Путин на состанокот со српскиот претседател Томислав Николиќ.

За возврат Николиќ ја истакна „вредната поддршка што Русија и ја дава на Србија по ова прашање“.

– Вашата поддршка за одржување на територијалниот интегритет и независност на Србија, особено по прашањето со Косово, е многу важна за нас. Србија ја гледа Русија како свој голем сојузник и нема да отстапиме од нашите морални принципи со негативен став кон Русија. Ние немаме избор, не можеме да се однесуваме поинаку, рече Николиќ. (Крај)

извор: ИТАР-ТАСС  фото: архива