Пчеларското здружение „Охрид“ одбележа 50 години успешна работа

Охрид, 12. април 2024 (ИНПРЕС) – Со пригодна свеченост, печеларското здружение „Охрид“ одбележа значаен јубилеј, 50 годиини успешна работа.

Во името на Локалната самоуправа пред присутните се обрати секретарот на Општина Охрид, Александар Китески.

– Во текот на изминатите пет децении, ова здружение има дадено голем продонес во развојот на земјоделството во нашиот регион, промовирајќи го значењето на пчеларството и производството на мед, како неизоставен дел од нашето секојдневие. Пчеларството не е само земјоделска гранка, туку е и важен столб на целиот екосистем, а пчелните производи се силна алка во исхраната на човекот и заштитата од болести. Пчеларското здружение преку своите членови и искусни лица овозможува ресурси и знаење кои создаваат поволни услови за одржливо пчеларство, одгледување на здрави пчели и производство на висококвалитетен мед, рече Китески.

Тој упати признание и благодарност до основачите на здружението и сите активни членови, кои го одржуваат и градат, ги следат современите трендови и го позиционираат Охрид на мапата на успешни пчеларски региони.

На свеченоста што се одржа во големата општинска сала се обрати и претседателот на здружението Наум Трпчески. (Крај)

извор: ИнПрес фото: архива