Белград, 26.август 2015 (ИНПРЕС) – САД го поздравија денеска постигнувањето на важните договори меѓу Белград и Приштина во Брисел и ја пофалија посветеноста на двете страни во овој процес.
– Постигнувањето договори за формирање Заедница на српски општини, телекомуникациите, мостот на Ибар во Косовска Митровица и енергетиката, ќе го подобрат живот на граѓаните и во Србија и на Косово, се наведува во соопштението на Стејт департментот.
Официјален Вашингтон ги пофали двете влади за постигнатиот напредок во исполнување на обврските од договорот во Брисел, со што се приближуваат кон нормализирање на односите и приклучување кон ЕУ.
Во соопштението се додава дека САД силно го поддржува настојувањето на ЕУ за завршување на дијалогот.(Крај)
извор:МИА фото:архива
