Самарас: Намалувањето на државниот долг е приоритет за Грција

Атина, 17. ноември 2014 (ИНПРЕС) – Намалувањето на државниот долг ќе биде приоритетна цел на грчката Влада во рамките на последниот бран реформи, истакна премиерот на Грција Андонис Самарас.

Тој ги посочи двете главни задачи пред кои е соочен неговиот кабинет – политичката и економската стабилност и продолжувањето на реформите за Грција да излезе од кризата. Основните параметри според него се изборот на нов претседател и промените во Уставот.

Премиерот на грција упатил критики и кон партијата СИРИЗА поради нејзините политички потези. Тој предупредува дека тие „ќе ја вратат државата кон дефицит“.

Самарас наведува дека последниот бран на реформи предвидува зајакнување на борбата против корупцијата, поедноставување на даночниот систем и модернизација на државното образование. (Крај)

извор: АФП фото: АП