Атина, 23. август 2014 (ИНПРЕС) – Грчки приватен остров со две плажа и сопствена црква беше ставен на продажба по цена од 15 милиони евра.
Островот „Света Троица“ во заливот Евбеја во Грција, има сопствен бар, игралиште, 350 маслинови дрвја, овошни дрвја и стара караула од 17-ти век. Островот се протега на површина од 52 хектари и располага со куќа со четири спални, посебен објект за сервисниот персонал со две спални и куќа на плажа, погоден за двајца гости.
На „Света Троица“ има уште и посебна зона за забави, каде можат да се соберат околу 30 посетители, и крајбрежен објект за чамци и скутери.
Се наоѓа на околу час и половина од Атина и до него може да се стигне со брод или хеликоптер. (Крај)
извор: АФП фото: АП