Словенија и Хрватска стравуваат од проширување на мигрантската криза

Загреб/Љубљана, 30. јануари 2016 (ИНПРЕС) – Премиерите на Словенија и на Хрватска, Миро Церар и Тихомир Орешковиќ изразија загриженост поради отсуството на ефикасна реакција на мигрантската криза.

Според нив, тоа би можело да го дестабилизира Западен Балкан. По средбата тие истакнаа и дека за решавање на мигрантската криза потребна е подобра соработка на државите. Орешковиќ ја поддржа иницијативата на Церар, што побрзо да се запре текот на нерегуларни миграции со помагање на Грција, како и на македонските власти во јакнење на контролата на јужната граница. (Крај)

извор: Р.С.Европа фото: архива