Загреб, 29. ноември 2014 (ИНПРЕС) – Европа ќе се соочи со големи проблеми и обилни врнежи снег, особено во регионот на Балканот, земјите околу Црното Море и Централна Европа.

Ова е дел од прогнозата на метеоролозите од Хрватска и Босна и Херцеговина, кои беа единствените експерти кои предупредија неколку дена пред катастрофалните поплави кои го погодија Балканот.

– Лажат сите кои тврдат дека американското сценарио оваа зима не е можно во Европа, велат метеоролозите, кои очекуваат зима со повеќе врнежи, но и со повисоки температури.

Во текот на наредните три дена во Црна Гора, Албанија и Грција се очекува претежно сончево и топло време за овој дел од годината, со ладни ноќи и утра. Во Србија и Република Македонија се очекуваат магли и малку пониски температури. Ќе дува слаб до умерен североисточен ветер. (Крај)

извор: Хина фото: АП