Анкара, 1. септември 2014 (ИНПРЕС) – Десетици турски полицајци беа уапсени во рамките на специјалната операција, спроведена во 16 провинции во земјата.
Според локалниот телевизиски канал „Ен Тв“, уапсените биле осомничени за „заговор против владата“. Потерница била издадена за 33 полицајци, од кои дел биле приведени во јули, под обвинение за илегално прислушување на телефони, вклучувајќи ги и оние на турската влада.
Турските власти започнаа масовна чистка во полициските сили и нов бран апсења, кој започна во текот на минатата зима. Најмасовна беше операцијата од 22-ри јули, кога во 25 провинции беа приведени 55 полициски службеници, вклучувајќи ги и раководителите на одделите на регионалните агенции за безбедност.
Последната ваква операција беше спроведена на 19-ти август во 13. провинции во Турција. (Крај)
извор: Ен Тв фото: архива