Унгарија бегалците ќе ги пресели во шатори

Будимпешта, 17.јули 2015 (ИНПРЕС) – Унгарија ќе ги затвори четирите постојани бегалски кампови и ќе изгради привремени кампови со шатори надвор од населени места, објави владата, цитирано од Франс прес.

– Предлогот на Владата е јасна: целта е да ги затвориме логорите, кои моментно се наоѓаат во населени места, соопшти министерството за внатрешни работи во е-мејл до АФП.

Привремените кампови ќе бидат шатори, прецизира на прес-конференција Јанош Лазар, началник на кабинетот на премиерот Виктор Орбан. Еден од камповите ќе биде до границата со Србија “, па граѓаните ни да не бидат загрижени од бегалските маси”, додаде тој.

Оваа година според официјални податоци во Унгарија влегле нелегално над 81 000 мигранти, од кои 80 000 влеглеод Србија . Оваа недела унгарската армија почна да крева ограда по 175-километарската граница со Србија, чија цел е да се спречи приливот на мигранти. “Ако границата биде затворена нема да имаме потреба од бегалските кампови со голем капацитет”, рече Лазар. Вкупниот капацитет за прием на бегалци во четирите кампови е 1.500 лица.

На крајот на јуни унгарската полиција пукаше со солзавец, за да задуши бунт во бегалскиот камп во Дебрецен, во кој живеат 1.500 луѓе при капацитет од 800.(Крај)

извор:Локално.мк фото:архива