Брисел, 4. ноември 2015 (ИНПРЕС) – Некои велат дека ЕУ загубила интерес за слободата на медиумите во Западен Балкан и Турција. Изминатиов период видовме неколку случаи на заплашувања на новинарите на најразлични начини. Но да бидам јасен – слободата на медиумите е во јадрото на прцоесот на ЕУ интеграција и за тоа не се преговара, порача денеска на конференцијата за состојбата со медиумите Speak Up! 3, во Брисел, Јоханес Хан.

Хан порача дека невозможно е соодветно да функционира владеењето на правото во некои земји каде што судиите носат одлуки против новинарите само затоа што критикувале премиери или владини претставници.

Тој дополни и дека транспарентноста на медиумите доаѓа со транспарентност во сопствеништвото. Еврокомесарот потенцира дека јавните пари во медиумите не смеат да се трошат без одговорност.

Тој вели слободата на медиумите е важна за општеството, а со тоа и земјата станува поцврста.

Тој подвлече дека во некои земји од Западен Балкан и Турција ситуацијата е влошена, а владите придонеле за да внесат страв во работењето на новинарите и медиумските работници. (Крај)

извор: Нова ТВ фото: архива