Крањ, 19. јуни 2015 (ИНПРЕС) – Судот во Крањ одлучи Рамуш Харадинај да остане во Словенија се` до процесирање на неговата жалба пред да биде разгледано барањето за екстрадиција во Србија.
Судот побара жалбата да биде комлетирана, бидејќи не вклучува полномошно за бранителот кое треба да му го даде подносителот на тужбата. Судот во Крањ објасни дека во случај на екстрадиција на странец, државјанин на Косово, на Србија на основа на меѓународна потерница, уапсената особа ветила дека нема да ја напушти земјата.
Претседателот на „Алијансата за иднината на Косово“ беше уапсен во средата на љубљанскиот аеродром по потерница од Србија. По што тој беше ослободен под услов да остане во Словенија додека трае постапката. (Крај)
извор: Телма фото: архива