Приштина, 23. февруари 2016 (ИНПРЕС) – Опозицијата од утре почнува со нови протести кои треба да кулминираат на 27 февруари, објави Харадинај.

Лидерот на Алијансата за иднина на Косово, Рамуш Харадинај, е убеден дека Косово ќе оди на предвремени парламентарни избори на почетокот на март.

Тој, како што јави дописникот на МИА, за тиранската телевизија „Топ-канал“ изјави дека очекува лидерот на Демократската партија на Косово и актуелен вицепремиер и шеф на косовската дипломатија, Хашим Тачи, да не биде избран за претседател на Косово и оти како последица на тоа ќе бидат распишани вонредни парламентарни избори.

Харадинај нагласи дека неговото заминување од парламентот има само една порака – тој да се распушти и да се организираат нови избори. (Крај)

извор: МИА фото: архива