Атина, 19. септември 2014 (ИНПРЕС) – Грчкиот министер за финансии Гикас Хардувелис побара неговата земја да добие малку „простор за да дише“ во процесот на фискалните реформи.
За време на потпишувањето на договорот за заем од Европската инвестициска банка, Хардувелис истакна дека ниту една фискална реформа не е вечна.
– Тоа не може да трае долго, освен ако не се преземат поголеми инвестициски иницијативи кои треба да бидат насочени кон раст, создавање на работни места со цел да се создадат поголеми приходи за граѓаните, објасни министерот.
Додаде дека на Грција и е потребен малку простор за да дише, особено во однос на приходите, за да може луѓето да разберат дека земјата „сака да стигне до крајот на кризата“. (Крај)
извор: АФП фото: АП