Ципрас започна да назначува министри

Атина, 22. септември 2015 (ИНПРЕС) – Реизбраниот премиер на Грција, Алексис Ципрас сака да го назначи за министер за финансии Евклидис Цакалотос, но се уште не може да го убеди да ја прифати функцијата.

Грчкото државно радио соопшти дека Цакалотос кој ги импресионирал своите колеги од еврозоната со конструктивниот став во преговорите за Грција, не сакал да ја преземе функцијата повторно.
Медиумите не ги соопштуваат причините за резервите на економистот, но неодамна таканаречената група “53” во рамките на партијата “Сириза”, кон која припаѓа и Цакалотос, изрази загриженост дека политичката сила се оддалечува од основните вредности на левицата во обид да се задржи на власт.

Алтернативата за Цакалотос е Јоргос Чулиаракис, кој беше министер за финансии во службениот кабинет. (Крај)

извор: Reuters фото: архива