Белград/Будимпешта, 15. септември 2015 (ИНПРЕС) – Илјадници бегалци, главно од Сирија, започнаа штрајк со глад во јужна Унгарија, во близина на границата со Србија.
Бегалците протестираат против одлуката на унгарските власти и формално да ја затворат границата со Србија, откако ја завршија изградбата на најавуваната ограда. Со ова, затворена е главната рута низ која од почетокот на годинава, 160.000 бегалци поминаа на својот пат кон Западна Европа.
Унгарија денеска прогласи вонредна состојба во две области на границата со Србија, подготвувајќи се за проблеми и инциденти со бегалците. Ова ќе овозможи во евентуалното справување со бегалците да биде вклучена и унгарската војска. (Крај)
извор: balkaninsight фото: архива