„Јутарњи“ – Уапсен Милан Бандиќ?!

Загреб, 19. октомври 2014 (ИНПРЕС) – Градоначалникот на Загреб Милан Бандиќ бил уапсен попладнево, јави jutarnji.hr.

Информацијата за порталот ја потврдил и извор близок до полицијата. Полициски службеници извршиле детален претрес во неговата куќа, како и во неговата канцеларија.

Покрај Бандиќ, уапсени биле и косопственикот на ЦИОС Петар Припуз и претседателот на УО на Загребскиот холдинг Слободан Љубичиќ – Кикаш.

Денешното апсење било круна на повеќемесечната акција на полицијата покрената за да се разоткријат незаконитостите во работењето на Градот Загреб и Загребскиот холдинг, која ја спроведоа полицијата и хрватски УСКОК.

Од полицијата најавиле кривични пријави поради поголем број коруптивни дела и злоупотреба на службената положба. (Крај)

извор: Јутарњи.хр фото: архива