Атина, 15. септември 2016 (ИНПРЕС) – Животот на бегалците во камповите во Грција станал толку тежок што тие понекогаш размислуваат и за враќање во својата од војна разурната земја, Сирија, дури и по цена на нивниот живот.
Условите во кампот Суда, еден од трите на островот Хиос се влошија откако бројот на бегалците се зголемил за три пати. Шатори за околу 900 луѓе се поставени во стариот канал околу византискиот средновековен замок Хиос, со церади кои се зацврстени на ѕидовите на тврдината за да ги штитат од дожд.
За време на протестите во јуни шаторите беа зафатени од пожар. Бегалците велат дека се уште честа појава се тепачките, но и кражбите. (Крај)
извор: Р.С.Европа фото: архива
