Охрид, 13. мај 2025 (ИНПРЕС) – Во рамки на проектот на Општина Охрид, Културата расте со децата „За сите деца“ овој петок ќе биде изведена театарската претстава за деца, мјузиклот „Пинокио“, во режија на Гоце Балада.
Ќе се одигра во ОУ „Живко Чинго“ во село велгошти со почеток во 12:00 часот.
– Во самата претстава, главниот лик Пинокио, има за цел преку неговите згоди и незгоди, на децата да им ја долови вистинската суштина на животот а тоа е дека “на лагата и се кратки нозете”, и дека оној кој лаже, завршува како Пинокио на кого му расти носот при секое лажење. Во претставата учествуваат: Пинокио, Стариот Лисец, Џепето, Светлечката самовила и циркускиот кловн. Сите овие театарски ликови создаваат една волшебна театарска магија во која ќе ужива најмладата публика од 4 до 10 години, велат организаторите. (Крај)
извор: ИнПрес фото: архива
