Охрид, 19. декември 2025 (ИНПРЕС) – До крајот на годинава треба да биде исплатен регресот за годишен одмор на вработените.
Согласно законот, минималната сума за исплата се утврдува на 40 отсто од просечната тримесечна исплатена плата. Годинава за работниците од приватниот сектор К-15 изнесува 18.141 денар, под услов работникот да работел најмалку шест месеци во календарската година кај ист работодавец. Што се однесува до максималниот износ, тука нема ограничување.
За работниците од јавниот сектор изнесува 12.372 денари. К-15 им следува и на оние работници што ја смениле работата, ако претходно непрекинато работеле половина година во иста компанија.
Во Општиот колективен договор за стопанството стои дека кај работодавците кај кои настанале тешкотии во работењето, може да се утврди регрес за годишен одмор помал од износот утврден со Колективниот договор. Има работодавачи кои ја користат оваа недореченост во договорот и исплаќаат К-15 од само неколку илјади денари, а некои ни толку.
Ако вработените не го добијат законскиот минимум за К-15, можат да пријават во Синдикатот или во Државниот инспекторат за труд, за што се предвидени глоби за правното лице и за одговорното лице во правното лице. (Крај)
извор: ИнПрес фото: архива
