Охрид, 22. април 2026 (ИНПРЕС) – Нивото на водата во Охридското Езеро и понатаму се намалува и падна под априлскиот просек.
Според денешните мерења, нивото на водата е на кота од 693,56 м.н.в, што е за 1 сантиметар под просечното ниво за овој месец (693,57 м.н.в) и 46 сантиметри над минимално дозволената кота (693,10 м.н.в).
Константно намалување на езерскиот водостој се бележи од почетокот на месецов. Во првата половина на минатиот месец езерскиот водостој беше многу блиску до максималната граница 693,75 м.н.в, по што во континуитет се бележеше намалување. Последнава недела нивото е намалено за 2 сантиметри.
Во Охрид променливо облачно време со повремени, пообилни врнежи од дожд. Ќе дува умерен, повремено засилен ветер од северен правец. Максималната температура ќе се искачи до 11 степени.
– Под влијание на влажна и нестабилна воздушна маса, до четврток ќе се задржи променливо облачно и нестабилно време со повремени врнежи од дожд, а денес и утре и појава на грмежи. Процесите наместа ќе бидат поинтензивни во форма на невреме со пообилен пороен дожд, грмежи и засилен ветер, особено во западните и јужните делови каде во текот на овој период ќе наврнат над 30 l/m². Дневната температура ќе биде во опаѓање, а во четврток и петок утринската наместа ќе се спушти и под нулата. Ќе дува северен ветер, кој во четврток ќе биде засилен, повремено силен, информираат од Управата за хидрометеоролошки работи на Република Македонија (УХМР). (Крај)
извор: ИнПрес фото: ИнПрес
