Во Грција настапи 24-часовен штрајк

Атина, 15. јули 2015 (ИНПРЕС) – Државниот сектор во Грција е блокиран поради 24-часовен штрајк на ниво на целата држава.

Синдикатите ги повикаа демонстрантите пред парламентот, каде што до вечер мора да се усвојат реформите од договорот со Еврозоната, меѓу кои и тие за ДДВ-то и пензискиот систем. Премиерот Ципрас доцна синоќа изјави дека „не верува“ во договорот со кредиторите.

– Преземам одговорност за сите грешки што ги направив. Преземам одговорност за текстот на договорот во кој не верувам, но го потпишав за да избегнам катастрофа во земјата, изјави Алексис Ципрас, премиер на Грција.

Ципрас исклучи можност за вонредни парламентарни избори, бидејќи нема намера да ја избегне одговорноста за се што направил. (Крај)

извор: МТВ фото: архива