ГКК „Охрид“ в понеделник игра „мајсторка“ за влез во Првата лига

Охрид, 12. мај 2023 (ИНПРЕС) – Кошаркарите на ГКК „Охрид“ в понеделник играат „мајсторка“, одлучувачкиот натпревар за влез во Првата лига.

Противник по трет пат им е екипата на „Соколи“ од Штип. Двата тима имаат по една победа, па овој трет натпревар ќе биде решавачки.

– Ве повикуваме сите од срце да дојдете и да ни дадете поддршка во што е можно поголем број,бидејќи со оваа победа испишуваме нова историја на кошарката во Охрид, порачаа од клубот.

Натпреварот ќе се одигра во салата „Билјанини извори“ од 17:00 часот. (Крај)

извор: ИнПрес фото: архива