„Гладијаторите“ на подготовки во Шабац

Охрид, 23. јануари 2023 (ИНПРЕС) – Ракометарите на Охрид до четврток престојуваат во Шабац,Србија, да одработат дел од зимските подготовки, во пресрет на новата полусезона.

„Гладијаторите“ покрај тренинзите, ќе одиграат и три пријателски натпревари со врвот на српската лига, т.е. со екипите на Црвена Ѕвезда, Металопластика и Партизан.

По засега четирите засилувања во преодниот рок, ГРК Охрид ја продолжи соработката со десниот бек Дејан Шешиќ, кој потпиша договор до 2024 година, додека пак централниот бек Владан Кастратовиќ е пратен на позајмица во РК Куманово.

Покрај тоа, во овој период реновирана е соблекувалната на клубот. (Крај)

извор: ИнПрес фото: архива