Грчката влада – Грција не се подготвува за банкрот

Атина, 14. април 2015 (ИНПРЕС) – Грчката влада ги демантира информациите објавени во весникот “Фајненшл тајмс”, според кои, Атина се подготвува да прогласи банкрот по државниот долг, бидејќи не може да се постигне договор со меѓународните кредитори до крајот на април.

– Грција не се подготвува за банкрот, изјави грчки владин извор.

Тој прецизира дека преговорите продолжуваат интензивно, за да може да се најде взаемно прифатливо решение. Изворот рече уште дека 24 април ќе биде уште еден датум, на кој нема да се случи крајот на светот.

– Она што изгледа ги загрижува сите е дека грчката влада е решена да стави крај на политиката на штедење и да се разгледа прашањето за развој, јавуваат од кабинетот на грчката влада. (Крај)

извор: бгнес фото: архива