Грчкиот претседател побара самит на ЕУ за кризата со мигрантите

Атина, 24.август 2015 (ИНПРЕС) – Грчкиот претседател Прокопис Павлопулос предложи да се одржи самитот на лидерите на Европската унија на кој ќе се дискутира за се поголемиот број мигранти и бегалската криза и повика на поблиска соработка со Обединетите нации.

За време на состанок со министерот за здравство, Панајотис Курублис, Павлопулос рече дека миграциската криза „не е само прашање на безбедноста, туку исто така, и хуманитарна криза“.

– Мора да има заедничка европска политика. Ова е обврска на Европската Унија и нејзините институции, истакна гречкиот претседател.
Тој повика итно да се свика самит на лидерите на ЕУ, на кој ќе учествува и Агенцијата на ОН за бегалци.(Крај)

извор:Инпрес фото:архива