Дачиќ – Македонија е проблем за ОБСЕ и за целиот регион

Белград, 22. мај 2015 (ИНПРЕС) – Политичката и безбедносната криза во Македонија е проблем за ОБСЕ, но и за целиот регион, вклучувајќи ја и Србија, истакна српскиот министер за надворешни работи Ивица Дачиќ во интервју за Радио-телевизија Србија (РТС).

– Кога пред три месеца бев во Македонија, веќе тогаш се гледаа знаци на криза. Овде постојат два вида проблеми, политички и безбедносни, кои не можат да се одвојат поради тоа што постои судир на власта и опозиција, но и помалку изразени меѓунационални судири. Појавата на терористички банди и човечки жртви е доста опасна, рече Дачиќ, кој во моментов е и претседавач со Организацијата за безбедност и соработка во Европа (ОБСЕ).

Проблемите во Македонија можат да се решат само со политичка волја и пружање европска перспектива, наведе Дачиќ, потенцирајќи дека „Македонците веќе долго време тапкаат во место и што и да сторат, нема да одат натаму“. (Крај)

извор: rts фото: архива