Охрид, 21. ноември 2023 (ИНПРЕС) – Одложената кино проекција на новиот македонскиот филм „Лена и Владимир“ е закажана за 2-ри декември (сабота) во охридскиот Центар за култура „Григор Прличев“.
Проекцијата е од 20:00 часот, а цената на влезниот билет е 150 денари. Оние кои веќе имааа купено билети за претходно најавената проекција ќе им бидат важечки.
Судбината спојува двајца бегалци, Владимир, 40-годишен маж кој ја изгубил сета своја љубов и Лена, 16-годишна девојка која никогаш немала љубов. Тие си помагаат еден на друг да ја откријат љубовта кон животот.
Улогите ги толкуваат: Тони Наумовски, Сара Климоска, Дениз Абдула, Петар Мирчевски, Благоја Чоревски, Петре Арсовски, а режисер е Игор Алексов.
извор: ИнПрес фото: архива
