Нивото на Охридското Езеро значително под просекот за март

Охрид, 1. март 2024 (ИНПРЕС) – Додека во текот на минатиот месец беше на кота околу просекот, сега нивото на Охридското Езеро е значително пониско од просечното за март.

Според денешните мерења на Управата за хидрометеоролошки работи на Република Македонија (УХМР), водостојот е на кота од 693,39 м.н.в што е за 10 сантиметри пониско од просекот за март (693,49 м.н.в) и за 29 сантиметри над минимално дозволената кота (693,10 м.н.в). Температурата на водата е 9 степени што е за 1,4 степени повисока од вообичаената за овој период од годината.

Во Охрид денес претежно облачно време со локални врнежи од дожд. Ќе дува слаб до умерен ветер од југоисточен правец. Максималната температура ќе се искачи до 10. степени.

– За време на викендот времето ќе биде претежно стабилно и со постепен пораст на дневната температура, Во сабота ќе има услови за слаб локален дожд, а во недела ќе биде сончево и релативно топло. Нови врнежи се очекуваат во почетокот на следната седмица, информираат од УХМР. (Крај)

извор: ИнПрес фото: ИнПрес/УХМР