Полициските службеници од СВР Охрид утре и задутре ќе спроведат боево гаѓање на стрелиштето „Бејбунар“

Охрид, 3. октомври 2023 (ИНПРЕС) – Полициски службеници припадници на редовниот состав од полициската станица од општа надлежност, од полициската станица за безбедност во патниот сообраќај, како и од криминалистичката полиција, утре, 4-ти октомври и задутре, 5-ти октомври, од 08:00 часот, на стрелиштето „Бејбунар“ во Охрид, ќе спроведат вежбовна активност за боево гаѓање со огнено оружје.

Оваа активност се реализира со претходен договор и известување до стрелиштето, ловното друштво Охрид, ЈЗУ „Здравствен дом” Охрид и урбаната заедница „Билјанини извори”.

– Пред почетокот на боевото гаѓање, полициски екипи ќе извршат теренска обиколка и обезбедување на поширокото подрачје на стрелиштето „Бејбунар”, со цел оневозможување влез на граѓани во безбедносните зони, а медицинското обезбедување ќе го вршат стручните медицински екипи од ЈЗУ „Здравствен дом”. Гграѓаните кои се движат кон стрелиштето „Бејбунар“, да ги почитуваат ознаките и натписите за забранет пристап, да не се задржуваат во безбедносните зони и целосно да се придржуваат кон останатите насоки на полициските службеници, апелираат од СВР Охрид. (Крај)

извор: ИнПрес фото: архива