Охрид, 12. декември 2024 (ИНПРЕС) – Во сабота, 14-ти декември, започнуваат подготовките за Бадниковата поворка 2025 во Охрид.
Пробите ќе се одржуваат секоја сабота во 12:00 часот во спортската сала на ООУ „Христо Узунов“. Сите заинтересирани кои сакаат да учестуваат на поворката подетални информации можат да добијат на телефонскиот број 078/271-793.
Во насока на негување на традиција на православно празнување на Бадник, со пеење на православни црковни песни, на 6-ти јануари, стотици деца низ охридските улици ќе ја пеат Вечниот Бог. Учесниците во поворката ќе носат ѕвезди што ја симболизираат ѕвездата деница што го покажала патот на мудреците до пештерата.
Мотото на манифестацијата „Бадникови поворки“ 2025 е „Пренеси ја Божикната радост до секое срце!“. (Крај)
извор: ИнПрес фото: архива
