Охрид, 20. јули 2023 (ИНПРЕС) – Оваа сабота, 22-ри јули, на градскиот базен „Атина Бојаџи“ во Охрид, ќе се одржи Третиот меѓународен пливачки митинг „Ohrid open 2023“.
Организатор е охридскиот пливачки клуб „Акваспирит“.
Се очекува да настапат над 200 натпреварувачи, меѓу нив најдобрите домашни пливачи како и гости од соседството.
– Пливачите ќе се натпреваруваат во 6 возрасни категории во машка и женска конкуренција. Пропозициите за настанот и резултатите може да ги погледнете на следниов линк: https://plivanje.info/ohrid-open-2023-mkd/. Помагатели и спонзори на настанот се: Општина Охрид, МАГНА Мирорс, МАКТЕК ДООЕЛ Exsplosives&Construction, Сивус едукативен и развоен центар, Супер Радио – Охрид и ЈП „Билјанини извори“ – Охрид, информираат организаторите.
Пријавувањето на натпреварувачите е во тек. Митингот предвидува два натпреварувачки дела и тоа утрински 08:00 -12:00 и попладневен 16:00 – 19:30 часот. Почетокот на настанот е во 08:00 часот со расплив, 09:00 предвидено е свечено отварање и почеток на трките. Во вториот дел распливот е во 16:00 часот додека трките започнуваат во 17:00 часот. (Крај)
извор: ИнПрес фото: архива
