Охрид, 7. мај 2026 (ИНПРЕС) – Хорот при ОУ „Христо Узунов“ под менторство на наставникот Бојан Лушкоски освои прва награда на Државниот натпревар по хор и оркестар што се одржа вчера во Кавадарци.
Со освоени 99 поени хорот го освои првото место во категоријата хорови од основно училиште.
– Со прецизна изведба, музикалност и силна сценска изразност, хорот ги воодушеви членовите на жирито и публиката, оставајќи силен впечаток уште од првите ноти. Дополнително, хорот освои најмногу поени од сите учесници на натпреварот, што претставува особено значајно признание за квалитетот на изведбата. Овој резултат е потврда за посветената работа, талентот и тимскиот дух на сите членови. Овој успех не е само награда, туку и мотив за понатамошни достигнувања и унапредување на хорската уметност, велат од училиштето.
Претходно пак, на одржаните регионалните натпревари во категорија вокални солисти, Михаела Танеска и Ана Ничевска со 97 поени и Бојана со 91 поен освоија први награди. Танеска и Ничевска со својот резултат обезбедија учество на државниот натпревар што ќе се одржи на 14 мај во Штип. (Крај)
извор: ИнПрес фото: архива
