Продолжува реновирањето на патот преку Галичица, повторно е затворен за сообраќај

Продолжува реновирањето на патот преку Галичица, повторно е затворен за сообраќај

Охрид, 3. август 2021 (InPress) – По паузата за Илинденските празници, регионалниот патен правец кој води преку Националниот парк „Галичица“ од денеска ќе биде повторно затворен за секаков сообраќај.

Мерката ќе биде на сила секој ден до завршувањето на работите на делницата од Баба до Царина – (Преспанска страна) од 08:00 до 17:00 часот, поради реконструкција на коловозната конструкција.

– После 17:00 часот патниот правец ќе биде отворен за сообраќај и на оваа делница, при што истиот ќе биде обезбеден со лица од страна на изведувачот на работите и соодветна сообраќајна сигнализација. Од Охрид до Баба регионалниот патен правец ќе биде отворен за сообраќај во двете насоки, информираат од АМСМ. (Крај)

извор: АМСМ фото: InPress